गतविजेता पारसी जिमखाना संघ ट्रॉफी कायम राखण्याचा प्रयत्न करेल. मात्र, त्यांना इतर प्रबळ दावेदारांकडून तगडे तगड्या आव्हानांचा सामना करावा लागेल.
मुंबई : मुंबई क्रिकेट असोसिएशनच्या वतीने इस्लाम जिमखाना आयोजित ७३ वी नवाब सालार जंग आमंत्रित टी- ट्वेन्टी क्रिकेट स्पर्धा शनिवार, १८ मार्चपासून खेळली जाणार आहे. इस्लाम जिमखाना टी – टे्वन्टी क्रिकेट स्पर्धेत अव्वल १६ संघ जेतेपदासाठी एकमेकांशी भिडतील. गतविजेता पारसी जिमखाना संघ ट्रॉफी कायम राखण्याचा प्रयत्न करेल. मात्र, त्यांना इतर प्रबळ दावेदारांकडून तगडे तगड्या आव्हानांचा सामना करावा लागेल.गतविजेता पारसी जिमखानासह अन्य सहभागी संघांमध्ये मुंबई पोलीस जिमखाना, बॉम्बे जिमखाना, पी. जे. हिंदू जिमखाना, अपोलो सीसी, यंग मोहम्मडन सीसी, मुस्लिम युनायटेड एससी, यंग फ्रेंड्स सीसी, मारवाडी सीसी, बोहरा सीसी, कुर्ला स्पोर्ट्स क्लब, मुस्लिम स्पोर्ट्स क्लब, सोव्हेनियर सीसी, मॉडर्न सीसी, स्पॉन्सर (प्रायोजक) इलेव्हन आणि यजमान इस्लाम जिमखाना संघांचा समावेश आहे.
राज्य सरकार आणि इतर संबंधित प्राधिकरणांच्या प्रोटोकॉलनुसार सर्व खबरदारीच्या उपायांसह स्पर्धा आयोजित केली जात असल्याचे इस्लाम जिमखान्याचे सचिव (क्रिकेट) अॅड. मोहसीन शेख यांनी सांगितले. स्पर्धेचे स्वरूप बाद फेरीचे असून सर्व सामने मुंबई क्रिकेट असोसिएशनच्या नवीन मॉडेल नियमांनुसार खेळले जातील, असे त्यांनी पुढे म्हटले. इस्लाम जिमखान्याने नेहमीच क्रिकेटला प्रोत्साहन आणि प्रोत्साहन दिले आहे. गेल्या ७२ वर्षांपासून नवाब सालार जंग आमंत्रित क्रिकेट स्पर्धा आयोजित करताना आम्हाला आनंद होत आहे. युवा क्रिकेटपटूंना संधी उपलब्ध करून देणे आणि त्यांना स्पर्धात्मक खेळ खेळण्यासाठी प्रोत्साहन देणे आणि त्यांची प्रतिभा दाखवणे, हा आमचा या स्पर्धे मागील उद्देश आहे, असे इस्लाम जिमखान्याचे अध्यक्ष, अॅड. युसूफ अब्राहनी म्हणाले.
नवाब सालार जंग आमंत्रित टी- ट्वेन्टी क्रिकेट स्पर्धेचे प्राथमिक फेरीचे सामने पारसी जिमखाना मैदान, पी. जे. हिंदू जिमखाना मैदान, मुंबई पोलीस जिमखाना मैदान आणि इस्लाम जिमखाना मैदानावर खेळवले जातील. उपांत्यपूर्व फेरी पारसी जिमखाना येथे होईल. उपांत्य फेरीच्या दोन्ही लढती इस्लाम जिमखाना येथे २० मार्च रोजी रंगतील. अंतिम लढत दुसर्‍या दिवशी, २१ मार्चला इस्लाम जिमखाना येथे होईल, अशी माहिती अॅड.मोहसीन यांनी दिली.
131 total views, 1 views today